जागरूक आवाज - ताज्या बातम्या आणि घडामोडी

 सम्राट अशोक, डॉ. बाबासाहेब आंबेडकर व महात्मा फुले यांच्या संयुक्त जयंतीनिमित्त बहुजन समाज एकत्र येणार

पंढरपूर : सम्राट Ashoka, महामानव B. R. Ambedkar आणि महात्मा Jyotirao Phule यांच्या संयुक्त जयंतीनिमित्त पंढरपूर येथे येत्या ५ व ६ एप्रिल २०२६ रोजी बहुजन समाजाचा भव्य बौद्ध धम्मदीक्षा समारंभ व बहुजन बंधुभाव परिषद आयोजित करण्यात आली आहे. मातंग, चर्मकार, होलार, मराठा, ओबीसीसह विविध बहुजन समाजातील बांधव मोठ्या संख्येने या ऐतिहासिक कार्यक्रमात सहभागी होणार असून, सामाजिक समता, बंधुभाव आणि प्रबुद्ध विचारांची नवचळवळ घडवण्याचा निर्धार या निमित्ताने व्यक्त होणार आहे.

राज्यभर सुरू असलेल्या “चला आपल्या बुद्धाच्या घरी” या अभियानाच्या माध्यमातून बहुजन समाजात जागृती निर्माण करण्याचे कार्य सुरू आहे. या अभियानाचे प्रेरणास्थान प्रबुद्ध साठे यांच्या संकल्पनेतून पंढरपूर येथे होणारा हा सोहळा केवळ धार्मिक कार्यक्रम नसून, तो सामाजिक परिवर्तनाचा आणि बहुजन एकतेचा नवा अध्याय ठरणार असल्याचे आयोजकांनी स्पष्ट केले आहे.

या दोन दिवसीय कार्यक्रमात ५ एप्रिल रोजी बौद्ध धम्मदीक्षा समारंभ आयोजित करण्यात येणार असून, हजारो बहुजन बांधव बौद्ध धम्माची दीक्षा स्वीकारणार आहेत. त्यानंतर ६ एप्रिल रोजी बहुजन बंधुभाव परिषद पार पडणार आहे. या परिषदेत बहुजन समाजाच्या सामाजिक, शैक्षणिक व राजकीय सक्षमीकरणासंदर्भात मार्गदर्शन आणि विचारमंथन होणार आहे. विविध क्षेत्रातील मान्यवर, समाजप्रबोधन करणारे कार्यकर्ते आणि बहुजन चळवळीतील नेतृत्व या कार्यक्रमात सहभागी होणार आहे

.

या ऐतिहासिक कार्यक्रमाच्या यशस्वी आयोजनासाठी Dr. Babasaheb Ambedkar Memorial येथे ७ मार्च २०२६ रोजी महत्त्वपूर्ण नियोजन बैठक पार पडली. बैठकीत कार्यक्रमाचे नियोजन, जनसंपर्क मोहीम आणि बहुजन समाजाच्या व्यापक सहभागासाठी विविध बाबींवर सविस्तर चर्चा करण्यात आली.

या बैठकीस सुरेखाताई भालेराव, डॉ. राजेंद्र नागटिळक, भालचंद्र कांबळे, विठ्ठल कांबळे, राजेंद्र पाराध्ये सर, भीमशाहीर दत्ताजी भोसले, अरुण गायकवाड, समाधान जाधव, सचिन भंडारे सर, अनिल डावरे, मंगेश डावरे, हणमंत बंगाळे, धनंजय आडगळे, नामदेव सरवदे, पत्रकार रामदास नाकटिळक, ॲड. रोहित एकमल्ली, विकास ढवळे, आकांक्षा ढवळे, आर्या ढवळे आदी मान्यवर उपस्थित होते.

समता, बंधुभाव आणि मानवतावादाच्या मूल्यांवर आधारित समाजरचना उभारण्याचा संदेश देणारा हा कार्यक्रम पंढरपूरच्या भूमीतून संपूर्ण महाराष्ट्राला नवी दिशा देईल, असा विश्वास आयोजकांनी व्यक्त केला आहे. बहुजन समाजाच्या एकतेचे आणि प्रबुद्ध विचारांचे हे मोठे व्यासपीठ ठरणार असल्याने राज्यभरातून हजारो बांधव या ऐतिहासिक सोहळ्यास उपस्थित राहतील, अशी अपेक्षा व्यक्त करण्यात येत आहे.