पुणे जिल्हा प्रतिनिधी मिलिंद सरवदे
सामाजिक प्रश्नांना वाचा फोडण्याचे काम करणाऱ्या “जागरूक आवाज – प्रेस डिजिटल मीडिया” या न्यूज पोर्टलच्या वतीने पुणे जिल्ह्यातील हडपसर तालुक्यासाठी नवे प्रतिनिधी म्हणून अमोल रस्तुम भोसले यांची नियुक्ती करण्यात आली आहे. मुख्य संपादक आशितोष श्रीधर गावंडे यांनी त्यांना नियुक्तीपत्र देत ही जबाबदारी सोपवली आहे.
सामाजिक जाणीव, संघटन क्षमता आणि जनहिताच्या प्रश्नांवर काम करण्याची तयारी या गुणांचा विचार करून भोसले यांची निवड करण्यात आल्याचे संपादकांनी सांगितले. त्यांच्या नियुक्तीमुळे हडपसर परिसरातील स्थानिक प्रश्न, सामाजिक समस्या, प्रशासनाशी संबंधित बाबी तसेच नागरिकांच्या अडचणी अधिक प्रभावीपणे प्रकाशझोतात येतील, अशी अपेक्षा व्यक्त करण्यात आली आहे.
भोसले यांची नियुक्ती २६ जानेवारी २०२६ पासून लागू असून, ते हडपसर तालुक्यातील विविध घडामोडी, सामाजिक विषय, प्रशासनिक कामकाज तसेच नागरिकांच्या समस्यांबाबत माहिती संकलित करून “जागरूक आवाज” या माध्यमातून लोकांपर्यंत पोहोचवण्याची जबाबदारी सांभाळणार आहेत.
पत्रकारितेतील पारदर्शकता, सत्यता आणि सामाजिक न्याय या मूल्यांना प्राधान्य देत कोणत्याही दबावाला बळी न पडता जनतेचा आवाज ठामपणे मांडण्याची अपेक्षा त्यांच्याकडून व्यक्त करण्यात आली आहे.
“जागरूक आवाज”च्या माध्यमातून समाजहिताच्या कार्यात सक्रिय सहभाग नोंदवत जबाबदार आणि निर्भीड पत्रकारिता करण्यासाठी भोसले यांना पुढील वाटचालीस शुभेच्छा देण्यात आल्या आहेत.