जागरूक आवाज - ताज्या बातम्या आणि घडामोडी

 पालघर प्रतिनिधी 

आंबेडकर नगर, टेंभोडे येथे त्यागमूर्ती माता रमाई आंबेडकर यांची जयंती मोठ्या उत्साहात आणि प्रेरणादायी वातावरणात साजरी करण्यात आली. या कार्यक्रमाला परिसरातील महिला वर्गाचा मोठ्या प्रमाणावर सहभाग लाभला असून संपूर्ण परिसरात सामाजिक एकतेचा आणि परिवर्तनाचा संदेश देणारे वातावरण निर्माण झाले होते.

कार्यक्रमाची सुरुवात माता रमाई आंबेडकर यांच्या प्रतिमेला पुष्पहार अर्पण करून करण्यात आली. यावेळी उपस्थित मान्यवरांनी त्यांच्या त्यागमय जीवनकार्यावर प्रकाश टाकत, डॉ. बाबासाहेब आंबेडकर यांच्या सामाजिक चळवळीत माता रमाई यांनी दिलेल्या मोलाच्या योगदानाची आठवण करून दिली. समाजातील वंचित, पीडित घटकांसाठी त्यांनी दाखवलेली सहनशीलता, संयम आणि संघर्षशील भूमिका आजच्या पिढीसाठी प्रेरणादायी असल्याचे मत वक्त्यांनी व्यक्त केले.

महिलांनी मोठ्या संख्येने उपस्थित राहून कार्यक्रमात सक्रिय सहभाग नोंदवला. विविध सामाजिक, शैक्षणिक आणि प्रबोधनात्मक विषयांवर विचारमंथन करण्यात आले. माता रमाई आंबेडकर यांच्या विचारांचा वारसा पुढे नेण्यासाठी महिलांनी सामाजिक परिवर्तनाच्या कार्यात अधिक सक्रिय राहण्याचा संकल्प यावेळी व्यक्त केला.

कार्यक्रम शांततामय आणि शिस्तबद्ध वातावरणात पार पडला. जयंतीनिमित्ताने आयोजित या उपक्रमामुळे समाजात समता, बंधुता आणि न्याय या मूल्यांची पुन्हा एकदा आठवण करून देण्यात आली. आंबेडकर नगर, टेंभोडे येथील ही जयंती सोहळा सामाजिक एकजुटीचे आणि महिलांच्या सशक्त सहभागाचे प्रभावी उदाहरण ठरला.